Annadhaanam

அய்யா அவர்கள் தான் பெற்ற மெய்யறிவின் மூலம் அடுத்தவர்கள் துயரைத் துடைப்பதில் ஒப்பற்றவறாக திகழ்கிறார். அடுத்தவர்களுக்கு வரும் உடல் சம்பந்தப்பட்ட நோய்களையும், வினையின் மூலமாக வரும் உயிர் தொடர்பான நோய்களையும் தான் ஒரு சுமைதாங்கியாக இருந்து ஏற்றுக்கொண்டார். இன்றும் ஏற்றுக்கொண்டு அருள்பாலித்து வருகிறார்.

பணமூட்டைகளை கொண்டுவரச் சொல்லும் போலிச் சாமியார்கள் மத்தியில், மற்றவர்களின் வினைமூட்டைகளையும் பாவமூட்டைகளையும் சுமந்து கொண்டிருப்பவர் அய்யா அவர்கள் மட்டுமே என்பது அடியேனின் தாழ்மையான எண்ணம்.

தான்பெற்ற மெய்யுணர்வின் பயனை மக்களுக்கு பகிர்ந்து கொண்டிருக்கும் கரூர் சித்தர் ஸ்ரீலஸ்ரீ பாலசுப்பிரமணிய சுவாமிகள் வள்ளுவத்தின் படியே பூதவுடலில் வாழ்ந்து முடித்து புகழுடலில் நின்று அருள் பாலித்துக்கொண்டிருக்கிறார்.

“உங்களுக்கு வந்த சாதாரணமான வலதுகை வலியையே உங்களால் தாங்க முடியவில்லையே ஏறத்தாழ 10000 பேர்களுடைய வினைவலியையும் உடல் உபாதைககளையும் எந்தவிதமான பாகுபாடுமின்றி ஏற்றுக் கொண்ட சுவாமியின் நிலையை, அவர் பட்டதுன்பத்தை உங்கள் கற்பனையினால் கூட உணரமுடியுமா? ” என்று, என் துணைவியார் கேட்டபொழுது என் மனதில் சுவாமியின் அருளால் தோன்றிய சொற்கள் இவை.